උරුමය

රණවිරුවන්ගේ මළ කද මතින් ඉන්දියන් වන්දනාවේ යමුද?

2012-01-21T21:36:00.000-08:00

වසර දහස් ගණනක අභීත සිංහල ජාතියේ මාතෘ භූමිය වූ ලංකාව වෙත සෑම කලෙකම වරින්වර ඉන්දියානු ආක්‍රමණිකයන්ගේ අසිපත් එසැවිණ. අදින් වසර හය දහසකට පෙර “සුර -අසුර” යුද්ධයේ පටන් “ස්කන්ධ” “රාම” “විජය” එළාර , ‍කාළිංඝ මාඝ යුග පසුකරමින් ප්‍රභාකරන් දක්වා විවිධ ආකාරයේ ඉන්දීය ආක්‍රමණිකයන් පැමිණියහ. නමුත් අද 2012 ජනවාරි මස 22 වැනිදා දක්වාමත් සිංහලයන්ගේ ලංකාව ඒක් සේසත්ය. ඒ එදා මෙදා තුර මව් බිම රැකගන්නට යුධ වැදුනු වීරෝධාර රණ විරුවන්ට පිංසිදු වෙන්නටය.

දැන් ආක්‍රමණ නැත. ත්‍රස්ත්‍රවාදීන් ද නැත. දැන් උදාවන්නේ 1815 සුද්දාට රට පාවා දුන් ආකාරයේ පාවා දීමකටය. ඊටත් වඩා ලොකු පාවාදීමකටය. 13 හෝ 13+ යනු මහා පාවා දීමකි. වසර 30ක් යුධ වැදී ලද ජයග්‍රහණය අමු අමුවේම පාවා දීමකි. 13 යනු ප්‍රභාකරන්ගේ ඊලාම් සිහිනය සෑබෑ කිරීමකි.

උතුරු නැගෙනහිර වශයෙන් ප්‍රාන්ත දෙකක් කියන වදන යථාර්තයක් කරන්නට දැන් මහරජ සහ විමල්, චම්පික පුරෝහිත දෙපල සූදානම් වෙයිද?

නොබෙල් තෑග්ගෙන් තමන්‍ට ලැබෙන ඩොලර්වලට ගිජු වී ලංකාවේ ඉන්දියන් ප්‍රාන්තයකට අවසර දෙයිද? නැතිනම් රට දෙකඩ වීම වලකා සිංහල ජාතියේත් රටේත් ඒකීය භාවය ආරක්ෂාකරගනීද? තීරණ දෙකම ඔව්න් සතුය. ඒ රට වෙනුවෙන් හඩ නගන්නට දැන් කිසිවෙක් ඉදිරිපත් නොවන නිසාය

මල් කැඩීමේ හා මල් ගැසීමේ මළ සංස්කෘතිය.

2011-09-28T10:28:00.000-07:00

මල් කැඩීමේ හා මල් ගැසීමේ මළ සංස්කෘතිය.

“පොඩි එකී තාම මල් කඩලා ඉවර නැද්ද? ඕක ඉවරයක් කරපන්; උඹලගේ අයියට කෝල් එකක් අරගෙන කියාපන් යාළුවෙක් ඇවිල්ල කියලා.” කලකින් හමු නොවූ පාසල් මිතුරෙකු සොයා ඔහුගේ නිවසට ගොඩවූ මොහොතේ ඇසුනු වදන් කිහිපයකි. අවු 75ක් 80ක් වයසක ආච්චි අම්මා කෙනෙක් නූතන පරපුර සමග මුසුවී ඇති අයුරු ප්‍රතිබිම්බනය කරයි. තාරුණ්‍යය විසින් සිදුකර ඇති සංස්කෘතික ආක්‍රමණයේ වේගය පුදුම සහගතය. සංස්කෘතික වෙනස්වීම කෙරෙහි ඉහලම ප්‍රතිවිරෝධයක් දක්වන වැඩිහිටියන් පවා මල් සංස්කෘතියට නිරායාසයෙන්ම අනුගතව හමාරය. මල් සංස්කෘතික ව්‍යාප්තියේ යථාර්තය සමාජ යහ පැවැත්මද නැතිනම් ආ පස්සට ගමන් කිරීමක්ද යන්න තීරණය කරන්නට තවම කාලය පැමිණ නැතත් මල් සංස්කෘතියට උවමනාවටත් වැඩියෙන් සංවේදීවූ තරුණ පරපුර තමන්ගේ සමාජයම වගකීම් මගහරිමින් සිටින බවනම් පැහැදිළිය.

අවදි වූ මොහොතේ පටන් නින්දට යන තුරු දුරකථනයෙන් මල් කඩන්නට පුරුදුව ඇති අපේ පාසල් යන නංගිලාගේ පටන් විවේකයක් ලැබූ සැනින් කවුරුන් සමග හෝ මල් කඩන රැකියාවන්හි නියුතු අක්කලාත් එසේම; මලක් ගහන්නැතුව පාඩම් කරන්න බැරීව ලතැවෙන මල්ලිලාත් අරක්කු බොන්න සල්ලි නැති නිසා මලක් ගහල මනෝ පාරක් දාගෙන පාඩුවේ ඉන්න අයියලාත් තමන්ගේන් සමාජයට කළ යුතු මෙහෙවර ගැන යලිත් සිතිය යුතුය. මල් කඩන්නට හෝ මල් ගහන්නට අසීමිතව සංවේදී වීම හරහා දවසේ පැය 24ම සීග්‍රයෙන් ගෙවීයන අතර තුර රටේ ලෝකයේ වෙන්නේ මෙනවාද යන්නත් සොයා බලනවානම් තමාගෙන් රටට ජාතියට සිදු විය යුත්තේ කුමක්ද යන්න අවබෝධ කරගත හැකිය. ඔබ පාලකයන් විසින් පීඩාවට පත් කරන ලද ඔබගේ මනුෂ්‍ය වර්ගයා පිළිබදව මදක් සිතන්න. ඔවුන් වෙනුවෙන් ඉදිරිපත් වන්න. නැතිනම් ඉතිරිවන්නේ මළ සංස්කෘතියක් පමණකි.

තාරූණ්යනයේ වියෝවෙන් වැළපෙන ලාංකීය සමාජය.

2011-09-18T06:05:00.000-07:00

තාරූණ්‍යයේ වියෝවෙන් වැළපෙන ලාංකීය සමාජය.

සමාජය විවිධාකාර ගති සිරිත් අරක් ගත් මිනිසුන්ගෙන් යුතු වූවකි. එය අද මෙන්ම හෙටද නොවෙනස් වෙනු ඇත. මිනිස්වෙසින් ජීවත්වෙනුයේ මනුශ්‍යයන් පමණක්ම නොවෙති. ඒ අතර දෙවිවරු, බොධිසත්වවරු මෙන්ම යක්ෂයන්, බහිරවයන්,කුම්භාන්ඩයන් ද නොඅඩුව වෙසෙන බව සැබෑවකි. සමාජ පාලන කටයුතු සදහා සුදුසු වන්නේ මනුශ්‍යයන් උවද බොහොවිට සුදුසුකම් ලබනුයේ පිසාචකුළයට අයත් වූවන්ය. ලොක ස්වභාවය එයයි. භාග වෙලාවට එය දෙවියන් වහන්සේගේ කැමත්ත විය හැකිය. කෙසේ වෙතත් පිසාච කුළයේ පාලකයන්ගේ සිරිත ජනතාව තලා පෙලා මිරිකා උන්ගේ ලේ සාරය උරා බීමයි. මොවුන්ට පක්ෂව ආගම, සංස්කෘතිය, නීතිය ආදී සියල්ල නිර්මාණය වූ සමාජයේ ඔවුන්ට අභියෝග කරන්නට එක් බලවේගයක් පමණක් ඉතිරිව තිබිණි.

වරෙක දුක් විදින පීඩා විදින ජනතාවගේ ගැලවුම් කරුවා විය. අයුක්තියට අසාධාරණයට එරෙහි හඩෙහි දෝංකාරය විය. තවත් විටෙක ලංකා පොළොවේ ප්‍රාණය බදු වූහ. ඒ තාරුණ්‍යයයි. තාරුණ්‍යයේ ශක්තියයි. නමුදු සමස්ථ ජන සමාජයේම අවාසනාවකට අද තාරුණ්‍ය සොයා ගැනීමට නොහැකිව ඇත.

1815 අපේ දේශපාලන නායකයෝ සුද්දොන්ට ලංකාවේ අයිතිය සින්නක්කරේට ලියල දෙනකොට 1818 ඊට එරෙහිව නැගී සිටියේ සිංහල තරුණයාගේ අසිපතයි. දේශපාලන හයිය හක්තිය තිබිච්ච නායකයින් සුද්දන්ගේන් නම්බුනාම ගන්න රට විනාස කරන කොට උන්ට විරුද්ධව නැගුණු තරුණ හඩ තමයි 1842 කැරැල්ල කියලා අපේ ඉතිහාස පොත් වල ලියැවිලා තියෙන්නේ.1915 අරාබියට ලංකාවේ පාලනය බාරදීල ඉන්දියන් සාගරේ වෙළද බලය ලබාගන්න සුද්දො ගහපු ගැට වලින් ලංකාව බේරගත්තේ හෙන්රි පේදිරිස්ලාගේ තරුණ ජවයයි. ඉන්දියානු සංස්කෘතියේ කුළ වාදය ලංකාව තුළ ස්ථාපනය කරමින් වලව් වාදය හරහා මිනිසුන් පීඩාවට පත්කිරීමට දේශපාලකයන් යොමු වූ යුගයක (1971) රෝහණ විජේවීරලාගේ තාරුණ්‍යයේ ජවය ඉදිරිපත් විය. ඔව්න් එදා කල කැප කිරීම් නොවන්නට අදත් ඇත්තේ වැඩවසම් යුගයකි. මේවැනි සිදුවීම් සිය දහස් ගණනක් ලංකා ඉතිහාසය තුළ සදහන්ව ඇතත් අනාගතයේ එවැන්නක් සිදුවීමට තරම් සංවේදී තාරුණ්‍යක් නොමැත. නූතන තාරුණ්‍ය

ජංගම දුරකථනයටත්

face book එකටත්

සල්ලි වලටත්

අරක්කු සිගරට් ගංජා ගහන්නටත් උවමනාවටත් වැඩියෙන් සංවේදී වී ඇත. රටට මොනවා උනත් වැඩක් නැත. සිංහරාජය හරහා පාරක් නෙමෙයි මුළු සිංහරාජයම ඩොසර් කරත් දැනෙන්නේ නැත. සෝමාවතිය රක්ෂිතයේ විතරක් නොව අනුරාධපුරයේ රුවන්වැලි සෑ මළුවේත් කෙසෙල් හිටෙව්වත් , මුළු රටම සුද්දොන්ට වික්කත් අදාල නැත. දේශපාලන පිසාචයන් කුමක් කළත් ඇග බේරාගෙන තමන්ගේ වැඩක් බලාගෙන ඉන්න එක තාරුණ්‍යයේ සිරිත වූ වානම් මිනිසා තවමත් ගල් යුගයේමය. නමුත් ජාතියේ අවාසනාවට අද ලංකාවේ ඉරණම තීන්දු කිරීමට ඉතිරිව ඇත්තේ දේශපාලන පිසාචයන් හා උන්ට කඹුරන ‍පෙරේතයන් පමනක් වීම ශොචනීය අනාගතයක ආරම්භයකි.

සම්බුද්ධත්ව ජයන්තියේ සිංහලයා සතු අභියොගය...

2011-05-17T11:38:00.000-07:00

සම්බුද්ධත්ව ජයන්තියේ සිංහලයා සතු අභියොගය...

පෙර දිග චින්තනයේ උපරිමය වූ බුද්ධ ධර්මය මෙලොවට ජනිත වී අදට වසර 2600 කි. බුදුරජානන් වහන්සේ මනුශ්‍යවර්ගයා වෙත දායාද කරන ලද්දාවූ මේ ශේෂ්ඨ ධර්මය ආසියාතිකයින් විසින් මෙතෙක් කල් නිර්මලව රැකගෙන ආහ. ඒ අන්‍ය ආගම් මුහුණ නොපෑ අන්දමේ විශාල අභියොග රැසකට මහුණ දෙමින්ය.

ධර්ම විනය පිළිපෑදීමේ විශාලතම අභියොගයට වසර 2600ක් පුරා සාර්ථකව මුහුණ දුන්හ, එසේම අන්‍ය ආගම් වෙතින් එල්ල වූ ම්ලේච්ඡ ආක්‍රමණ හමුවේ අවිහිංසාවාදීව බුදු දහම ආරක්ෂා කර අනාගත ලෝකයට දායාද කිරීමේ අභියෝගය ඔවුන් ධාර්මිකව ජයග්‍රහණය කර ඇත.ඒ වෙනුවෙන් ලොව වසන බෞද්ධ-අබෞද්ධ සියළු දෙනා අතීත බෞද්ධයන්ට පිං දිය යුතුමය.

වර්තමානයේ බුදු දහම විශාල අභියොගයකට මුහුන පා ඇත. ඒ ක්‍රිස්තියානි සහ මුස්ලිම් අන්තවාදී ආගමික කණ්ඩායම් විසින් බෞද්ධයන් ආක්‍රමණය කිරීමයි. එය ලංකාව තුළ මෙන්ම ඉන්දියාව, චීනය, බංගලාදේශය , බුරුමය, තායිලන්තය, ජපානය, නේපාලය, ඉන්දුනිසියාව, කොරියාව, ටිබේටය, භූතානය, මොන්ගෝලීයාව, සිංගප්පූරුව ආදී සෑම ආසියාතික රටකම සිදුවන්නකි. මෙය වැලක්වීම උදෙසා තාවකාළික උපක්‍රමයන් සෑම රටකම බෞද්ධයන් විසින් අත්හදා බලමින් සිටී, එමෙන්ම අවාසනාවකටදෝ ඒ සෑම රටකම බෞද්ධයන් ලංකාවේ සිංහලයන් පිළිබදව විශේෂ බලාපොරොත්තුවක් තබා තිබේ. ඒ නිර්මල බුදු දහම අනාගත ලෝකයට දායාද කිරීම උදේසා ආරක්ෂා කරගනීවි යන සුවිසල් අපේක්ෂාවයි.

සිංහලයා බුදු දහම ආරක්ෂා කිරීමත්, පිළිපැදීමත් තමන්ගේ වගකීමක් හෝ යුතුකමක් සේ සලකනවා යයි කියනවානම් එය හොදම විහිළුවකි. අද සිංහලයා බුදු දහම යොදාගන්නේ හුදෙක් තමන්ගේ සමාජ තත්වය පිළිබිඹු කිරීම සදහාම පමණකි. එය මට මෙන්ම ගිහි පැවිදි භේදයකින් තොරව ජනාධිපති මහින්ද රාජපක්ෂටත්, මහා නායකලා මෙන්ම රූපවාහිනියේ බණ කියන සුපර් ස්ටාර්ස් චීවරධාරීන්ටත් , බුදු දහම අනාගත ලොකයේ ජාත්‍යයන්තර ආගමයැයි උදම් අනන අපිටත්, ගමේ හතර පොයට සිල් ගන්න උපාසකම්මාටත් එකසේම පොදුය. අපි සියල්ල කරනුයේ බුදු දහම වර්ණනා කිරීම මිසක වෙන කුමක්ද. 2600 සම්බුද්ධත්ව ජයන්තිය වෙනුවෙන් රජය විසින් විශාල මුදලක් වෙන් කර ඇත. ඒසා විශාල මුදලක් වියදම් කර ඔව්න් කරන්නේ කුමක්ද? කිසිවක් නැත. ඉන් අඩකටත් වැඩියෙන් ඔව්න්ගේ පෞද්ගලික ගිණුම් වලට දාගන්නට ඇත. ඉතිරි මුදලින් පුවත් පත් දැන්වීම්, රූපවාහිණී, ගුවන් විදුලි දැන්වීම් දමා තවත් ඉතිරි වූයෙනම් චීවරධාරීන්ට ගල් බෝතල් ටිකක් යවන්නට ඇත. අවසානයේ සිදුවූ දෙයක් නැත. හැම ගමකම පන්සලකම මෙයිට වඩා වෙනසක් නැත. බොරුවට සමාජයට පේන්න පන්සලට යයි. මිනිස්සු හාමුදුරුවන්ට බනිනවා. හාමුදුරුවෝ මිනිස්සුන්ට බනිනවා. එච්චරයි

බුදු දහම ආරක්ෂා කරගන්න කියලා මහා නායක හාමුදුරුවරු පත් කර ගත්තට උන්නාන්සෙලා මැරෙනකොට ගෙනියන්න පිරිකර එකතුකරන්න පටන් ගත්ත නිසා දැන් බුද්ධාගම එපාවෙලා. නැත්තන් මහා නායකලා (මඩිහේ මහා නායක හාමුදුරුවන්ට පසුව මහා නායක හාමුදුරුවෝ නමක් ලංකාවේ නැත) කියාගන්නා එකෙකුට හරි කියන්න තිබුනා 2600 සම්බුද්ධ ජයන්තිය වෙනුවෙන් බුද්ධ සාසන කොමිශන් සභා වාර්ථාව ක්‍රියාත්මක කරන ලෙස හෝ අඩුම තරමේ අන්‍යාගමිකකරණ පනතවත් සම්මත කරන්න කියා. ඒවා අවශ්‍ය නැත. වැදි බණ ටිකක් කියා පිරිත් නූලක් ගැට ගැසුවාම සියල්ල සුවපත්ය. ප්‍රශ්න, විවාද, ගැටළු නැත. T.V එකේ බණ කියන චීවරධාරීන්ගෙයි සුනිල් පෙරේරාගේ සින්දු වලයි වෙනසක් ඇත්නම් ඒ ස්වරයේ පමනි. ‍බුදු දහම අපහාසහට, උපහාසයට, සමච්චලයට ලක් කිරීම තුළින් ප්‍රේක්ෂක අවධානය දිනා ගැනීම දෙගොල්ලන්ගේම උත්සාහයයි. තමා ජනප්‍රිය වීම මිසක බුදු දහම පිළිබ‍‍දව හැගීමක් නැත.

ලංකාව තුළ බුදු දහමේ ආරක්ෂකයා වූ සිංහලයා තම වගකීම පැහැරහරිමින් ඇත්තේ ඉතා කලාත්මකවය. ඒ සදහා නිර්මාණශ්‍රීලි ප්‍රශ්න සහ ලස්සන පිළිතුරු ඔව්න් විසින්ම ගොඩනගා ඇත. එහි ඉදිරියෙන්ම සෝම හිමිගේ චිතකය විකුණාගෙන කාපු ජාතික මතවාදීන් කියාගන්නා පිරිස ඇත. මෙවැනි අවස්ථාවාදීන් ගැන අප දුක් විය යුතු නැත. නමුත් දැන සිටිය යුතුය. දැන් ලංකාවේ බෞද්ධ ජනගහනය 67%-68%ට දක්වා පහළ බැස ඇත.ඒ අන්‍යාගමීකරණය හරහා සිදුවන ප්‍රභල ආගමික මූළධර්මවාදය නිසාය. මෙය 50% විමට තව බොහෝ කළක් ගත නොවන බව නම් පැහැදිළිය. එවිට බෙල්ලන්විල විමලරතනලා‍ගේ ලංකා‍ව සර්වාගමික රාජ්‍යයක් කිරීමේ කොන්ත්‍රාත්තුව අවසන් වනු ඇත. නමුත් එය එසේ සිදුවීමට බලා සිටීමට ඉඩ දිය හැකිද?

වසර 2600ක් සුරක්ෂිතව රැකගෙන ආ නිර්මල බුදු දහම දේවදත්ත පරපුරේ විභීෂණලාට විනාශ කරන්නට ඉඩ දිය හැකිද? එසේ සිදුවන තෙක් අප බලා සිටිය යුතුද? නැත දැන් සිංහලයා තමාගේ පරම යුතුකම ඉටුකරන්නට සූදානම් විය යුතු කාළය එළැඹ ඇත. එය කළ යුතු ආකාරය තීරණය කළ යුත්තේ ඔබය. බුදු දහම ආරක්ෂා කිරීමේ සටනේ නායකයා ඔබයි. මහින්ද රාජපක්ෂගෙන්වත්, මහා නායකලාගෙන්වත්, සුදු ඇදගත් දේශපාලකයන්ගෙන්වත් ඔබ නායකත්ව බලාපොරෝත්තු තබන්නට එපා. උන් එකෙකුටවත් තමන් සිංහලයෙක් කියලා ප්‍රසිද්ධියේ කියන්නට කොන්ද පණ නෑ.... කට ඇරලා තමන් සිංහ‍ලයෙක් බෞද්ධයෙක් කියලා කියන්න හයියක් නැති උන් කොහොමද ජාතියක් ආගමක් රකින්න නායකත්වයක් දෙන‍්නේ. ඔබට පුළුවන්නම් ඔබ සිංහලයෙක් කියලා බය නැතිව කියන්න ඔබයි මේ සටනට සුදුසුම නායකයා. ගත වගේම හිත හයිය සිංහලයෝ ලක්ෂගානක් ලංකාවෙත් පිටතත් ජීවත් වෙනවා. උන්ට ශක්තිමත් නායකත්වයත් දෙන්න ඔබ ඉදිරිපත් විය යුතුමයි. මේ අවසන් අවස්ථාව විය හැකිය. එබැවින් ඔබට හැකි උපරිමයෙන් නායකත්වය ගෙන කටයුතු කරන්න...

ඌරාගේ මාළු ඌරාගේ ඇගේ තියා කැපීමේ රාජ්‍ය න්‍යාය.

2011-02-23T05:08:00.001-08:00

ඌරාගේ මාළු ඌරාගේ ඇගේ තියා කැපීමේ රාජ්‍ය න්‍යාය.

සිංහල ජාතිය අතීතයේදී සිංහයන්ට සමාන කළද නූතනයේ බෙහෙවින් සමාන වනුයේ කකුළුවන්ටය. ජන වහරේ කියනුයේ හැළියේ වතුර නටනකම් කකුළුවා තමා මියයන බව නොදන්නා බවයි. ඒ ගති ගුණ අද සිහලයන්ට ආවේණික වී ඇත්තේ කකුළු මස් අනුභව කිරීම නිසාද නැතිනම් බඩු මිලේ ආශ්චර්ය නිසාද නොදනිමි. කෙසේ වෙතත් සිංහලයන්ට තමන්ගේ ජාතිය විනාශ වෙනතෙක් ඒ ගැන සිතන්නටවත් අවස්ථාවක් ලැබෙතැයි සිතිය නොහැක. කුසට අහරක් නැතත් දින පතා සංගීත සංදර්ශන,විනෝද සැනකෙළි නරඹමින්, ක්‍රිකට් ගැන සිතමින් පැය විසිහතර කාළකන්ණි කර ගැනීමට නොමදව රාජ්‍ය අනුග්‍රහය ලැබෙති.රාජ්‍ය මාධ්‍ය විසින් රෑ කෑම මේසයේ වියදම අමතක කරන්නට සුභ අනාගතය බොද මීදුමක් වගේ යැයි හිතපන් කියා රූපවාහිනිය ඉදිරියේ වාඩිකරවන අපේ උන් අමන්දාගේ ජාතකය ගැන පර තෙරට තර්ක කරමින් නින්දට ගියද බෙනා මාමා සිහිනෙන් පෙනෙන නිසා දවල්ට රටේ ප්‍රශ්න ගැන බෙනා ටොක්ස් දෙන්නට පුරුදු වී ඇත. කරුණු කාරනා කොහොම උනත් ආගම , ජාතිය කරේ තබාගෙන යන අපේ දේශපාලකයන් අපේ ජාතික උරුමයන් අගු පිලට දමා ලංකාව, ඉතිහාසයක් නැති නිකම්ම නිකම් පරගැති රටක් බවට පත්කිරීමේ ක්‍රියාවළියේ එක් පියවරකි මේ.

මහ බැංකුවේ අජිත් නිවාඩ් කබ්රාල් අධිපති තුමාත් රාජපක්ෂ මුදල් ඇමති තුමාත් අළුතින් මුද්‍රණය කරපු සල්ලි කොල ටික හොයාගෙන බලන්න මොකක්ද වෙනස කියලා.

කාලෙකට පස්සේ

2011-02-22T09:34:00.000-08:00

බොහෝ කාලෙකට පස්සේ උරුමය........ විද්‍යාත්මක සොයාගැනීම් තාක්ෂණයට මුසු කරමින් අනාගතය ජයගන්නට වෙර දරන; දැනුම, බුද්ධිය, පරිකල්පනය තුළින් ඒකාධිපති, හිංසාකාරී පාලන තන්ත්‍රයන් පිළිකුල් කරන, පිටු දකින ලෝකයක් ඉදිරියේ හුදෙකලා වූ කොදෙව් දිවයිනක වෙසෙන මනුශ්‍යයන් කොටසකි අප. මාධ්‍ය වේදීන්, විචාරකයින්, විරුද්ධ මතධාරීන් ඝාතනය කරමින් මිනිසුන් රවටමින් අසීමිත බලයෙන් උදම් ව විකෘති වූ පාලකයා වෙත දේවත්වයක් ආරූඩ කරන්නට තරම් අවිද්‍යාවම විද්‍යාව කරගත් අපේ උන්ට කියවන්නට අකුරක් ලිවීමත් කාලකන්ණි වීමක් යැයි සිතුනු නිසාදෝ බ්ලොග් එක දෙස කාලයක් බලන්නටවත් නොසිතුනි. දැන් දැන් ආයාසයෙන්වත් රටට වෙන විපත දැක දැක අහක බලා ගන්නට සිත ඉඩ නොදෙන්නේය. සමහර වෙලාවට එසේ බලා නොසිටීම මොඩ කමක් යැයි සිතුවාට වරදක් නැත. මොකද අපේ රටේ යුක්තියට සාධාරණත්වයට හිමි තැන ඔබත් දන්නා බැවිනි. දැනටමත් පැරණි අප්‍රිකානු වනචාරී ගෝත්‍රික යුගය වෙත යළි පිය නගමින් ඇති අප සමාජය තව දුරටත් අයාලේ යා යුතු නැත. එය නිවැරදි මගට සදහා රටට අවංකවම ආදරය කරන සෑම මිනිසෙකුගේම උපරිම දායකත්වය ලබා දීම අත්‍යාවශ්‍ය කරුනකි. මේ නිසා උරුමය බ්ලොග් අඩවිය වෙත පිවිස යමක් සිතන්නට ආරාධනා කර සිටිමි.

සිංහල ජාතිකවාදී දේශපාලනය අවසානයි ?

2010-05-04T20:56:00.000-07:00

සිංහල ජාතිකවාදී දේශපාළනය අවසානයි ?

ලංකාව තුල මහ ජාතිය සිංහලයා වුවත් මහ ජාතිය වීම නිසාම සිංහලයාට ජාතියක් වසයෙන් මුහුණපැමට සිදුවූ දුක් කම් කටොළු අපමණය. අහිමි වු මූලික අයිතීන් දෙස බැළු විටත් සිදුවූ ,සිදුවෙමින් පවතින අසාධාරණය අති මහත්ය. මෙම තත්වයන් කල්තියා‍ හදුනාගත් ඇතැම් පිරිස් පසුගිය කාලයේම ඒ සදහා ගොනුවෙන්නට පටන් ගැනුනේ සිංහල ජාතියට නැවතත් බලාපොරෝත්තු ඇතිකරවමින් බව ඇතිවූ ප්‍රබෝධය තුළින් හදුනාගත හැකිය.

සිංහල වීර විදහන, සිංහලේ මහා සම්මත භූමිපුත්‍ර පක්ෂය, සිහල උරුමය , ජාතික හෙළ උරුමය දක්වා සිංහල ජාතික දේශපාලනය ක්‍රමයෙන් වර්ධනය වුවද මැතක සිට එම පක්ෂවල සාමාජිකයන් තමන්ගේ මුල් අරමුණ අමතකකර දමා ඇති බවත් ඔවුන් තමන්ගේ දේශපාලන ජීවිතය ගොඩනගාගැනීම සදහා සිංහල බෞද්ධ ජාතික බලවේගය පාරුවක් ලෙස පමණක් යොදාගැනීම තුළින් පෙන්නුම් කරනුයේ සිංහල බෞද්ධ ජාතිකවාදී දේශපාලනයේ අවසානයද? එනම් සිහලයා මුහුණදි ඇතැයි ඔවුන්ම පෙන්වාදුන් අභියෝග දැන් අවසානයි; යන වගය.

මේ දේශප්රේවමීන්ගේ කාළයයි.

2010-04-26T04:06:00.000-07:00

මේ දේශප්‍රේමීන්ගේ කාළයයි.

අදින් වසර කීපයකට පමණ පෙර සිට සිංහල ජාතියේ සවර්ණමය යුගය උදාවූයේ වසර දහස් ගනනක් බලා සිටි දියසෙන් කුමාරයාගේ පහළවීමත් සමග බව අපට දැනුනේ ගරුතර මහා සංඝරත්නය, මහ රජානන් වහන්සේගේ දෙපා නැමැද රාජාභිෂේක කිරීමත් සමගය. එතැන් පටන් මහරජුගේ මහානුභාවයෙන් රටේ ගම් නියම් ගම් සිසාරා සිටි කසිප්පු කාරයන් දේශපේමීන් වූහ. පගා කාරයන් දේශප්‍රේමීන් වූහ, හොරු මංකොල්ල කාරයන් පමණක් නොව ත්‍රස්ත්‍රවාදීන් පවා දේශප්‍රේමීන් වූයේ දේශපාලන බලයෙන් හා මහා භාන්ධාගරයේ ඇති මහජන මුදල් වලට ඇති කෑදර කමකට නොව හුදෙක් රටට ජාතියට ඇති දයාව ලැදියාව නිසාම බව පසක් වූයේ වසර 30 බිහිසුනු යුද්ධය දිවි පරදුවට තබා අවසන්කළ රණවිරුවා සහ බල්ලා සමාන ‍කිරීමට, ඇමතිකම් වලට, සල්ලි වලට කිසිදු ඇල්මක් නැති විමල් වීරවංශලා, චම්පික රණවකලා, මර්වින් සිල්වලාට මහ රජු අශිර්වාදය ලබාදුන් පසුය. දැන් ඇත්තේ ඔවුන්ගේ කාලයයි . එනම් දේශප්‍රේමින්ගේ කාළයයි. තමන් දේශප්‍රේමීන් යැයි පවසමින් උඩු බිරූ වුන්ට, වන්දිභට්ට කම්කළ වුන්ට තමන් සුනඛයන් නොවන බව පෙන්වන්නට කාලයයි. දේශප්‍රේමීන් විසින් කිරියෙන් පැනියෙන් උතුරන ශ්‍රී ලංකාවක් බිහිකරන කාලයයි.

එක්නැලිගොඩ යුක්තිය,යුතුකම

2010-03-03T20:01:00.000-08:00

එක්නැලිගොඩ මහතා රට වෙනුවෙන් යුක්තිය,සාධාරනත්වය වෙනුවෙන් ඉදිරිපත්වීම තම පරම යුතුකම වගකීමක් සේ සලකා කටයුතු කළ මිනිසෙකි. රට,ජාතිය වෙනුවෙන් තමන්ගේ යුතුකම ඉටුකරණ ලද ඔහු වෙනුවෙන් මවු බිම, ජාතිය, සකල මිනිස් වර්ගයා සහ අප ඔහුට ලබා දුන්නේ කුමක්ද?

තවමත් ශ්රීව ලංකාව සිංහල බෞද්ධ රටයි.

2010-02-05T00:24:00.000-08:00

තවමත් ශ්‍රී ලංකාව සිංහල බෞද්ධ රටයි.

ශ්‍රී ලංකාව බහු ජාතික,ආගමික,සංස්කෘතික රටක්ද මැයෙන් ලිපියක් පසුගියදා බ්ලෝග් අවකාශයේ පළවී තිබෙනු දුටු නමුත්( http://kandyroad.blogspot.com/2010/02/blog-post_8658.html )ඒ සදහා අදහස් පළකිරීමට ඉඩ කඩක් නොලැබුනු නමුත් ඒම මතය පිළිබදව යම් අදහසක් දක්වන්නට අවශ්‍ය බැවින් බොහෝ කාළයකට පසු උරුමය මෙසේ දක්වා සිටිමි.

ලංකාව බහු ජාතික රටක් බව සමාජගත කිරීමට පසුගිය කාළයේ විවිධ රාජ්‍ය, රාජ්‍ය නොවන සංවිධාන, පුද්ගලයින් ආදී විශාල පිරිසක් නොයෙකුත් මාධ්‍යයන් හරහා නොයෙකුත් අසාර්ථක උත්සාහ ගන්නා ලද අතරම අදටත් එය නොනැවතී ක්‍රියාත්මක වෙමින් පවතින නමුත් එය කිසිදිනෙක සත්‍යක් බවට පත්කළ නොහැකි කරුණ වන්නේ ශ්‍රී ලංකාව සිංහල ජාතියේ ලේ වලින් ප්‍රභවය වූත් , සිංහල ජාතියේ මාතෘ භූමිය ලංකාද්වීපය බවට හෙළ දෙරණ සාක්ෂි දරණ නිසාවෙන්ය. ලංකාව නම් වූ මාතෘ භූමියේ උරුමකරුවන් සිංහල ජාතිය වුවත් සිංහලයන් ලංකාවේ අන්‍යජාතින්ගේ ජීවක්වීමේ අයිතිය හෝ අනිකුත් මූලික අයිතින් බලහත් කාරයෙන් පැහැරගැනීමට හෝ සීමා කිරීමට කෙදිනකවත් උත්සාහ නොගත් අතර ඒ නිසාම ලංකාව තුල විවිධ උප සංස්කෘතීන් බිහි විමට අවස්ථාව ලැබී ඇත.

වතිකානුව ක්‍රිස්තියානීන්ගේ රාජ්‍යය වන්නාසේම,අරාබිය මුස්ලිම්වරුන්ගේ රාජ්‍යය වන්නාසේම, ඉන්දියාව හින්දූන්ගේ රාජ්‍යය වන්නාසේම ලංකාව ද බෞද්ධයන්ගේ රාජ්‍යය විය යුතුය. ක්‍රිස්තියානින්ට,මුසල්මානුවන්ට ලෝකය තුල ඇති අයිතිය බෞද්ධයන්ටද හිමිවිය යුතුය. එසේ නැතිනම් එය අසාධාරණ ආත්මාර්ථකාමී අවස්ථාවාදී චින්තනයකි.

මා මීට පෙරද ලංකාවේ බහු කථාව ගැන ලියූ ලිපියක් ද ඇත.

http://manojcola.blogspot.com/2008/10/blog-post_23.html

නමුත් අද වන විට දක්නට ඇති කණගාටු දායක කරුණ වන්නේ සිංහල බෞද්ධ ජාතික මතවාදය හුදෙක් දේශපාලන අවස්ථාවාදින්ගේ අතකොළුවක් පමණක්ම බවට පත්වීමයි. තමන්ට ජයග්‍රහනය සදහා සිංහල බෞද්ධ ඡන්ද බහුතරය ලබා ගැනිමට දේශපාලන වේදිකා අලංකාරය පිණිස සිංහල ජාතිය, බුද්ධ සාසනය, මාතෘ භූමිය,දේශ ප්‍රේමය ආදී වචන යොදාගෙන සිංහල බෞද්ධයන්ගේ ජාතිකත්වය අවුස්සා තමන්ගේ අවස්ථාවාදී දේශපාලනය ස්ථාවර කරගැනිමට පමණක්ම සිංහල ජාතියත් බුදු සසුනත් දැන දැනම භාවිතා කිරිම අද වනවිට සිංහලයා තමන්ගේ අනාගත පැවැත්ම තුල මුහුණදී ඇති භයානකම තත්වය වේ.

ගණින්නාන්සේලාට සහ ඇබිත්තයන්ට දැනගනු පිණිසයි.

2009-12-10T21:12:00.000-08:00

ගණින්නාන්සේලාට සහ ඇබිත්තයන්ට දැනගනු පිණිසයි.

මහින්ද රාජපක්ෂ සරණං ගච්චාමි කියමින් උදේ හවස මහින්දගේ කුණුසොදන්නට “ උතුම් වූ නිර්මල වූ බුදු දහමේ සංඝ සමූහයේ බාහිර රූප විලාසය යොදාගනීමින් එනම් සිවුරු පොරවා හිස මුඩුකර පැවිද්දන් සේ සිටිමින් දේශපාලනයේ නිරතවෙන අතුරලියේ රතන , උඩුවේ ධම්මාලෝක , බෙංගමුවේ නාලක , ඕමාරේ කස්සප ආදී නම් වලින් හැදින්වෙන චීවරධාරීන් නොහොත් ගනින්නාන්සේලා වෙත මතක් කර සිටිනු කැමැත්තෙමි.

භික්ෂූන් වහන්සේගේ වගකීම මා දන්නා පරිදි බූදු දහම ආරක්ෂා කීරීම විය යුතුය. සිවුරේ සිටිමින් බුදු දහම විනාශ කරන්නට උදව් කරනවුන්ට ගණින්නාන්සේ කියා නොව උන් නූතන දෙව්දත්ලා (බුදු දහම විනාශ කරන්නට ඉපදුනු එවුන්) විය යුතුය.

මීට දින කිපයකට පෙර ජාඇල ඒකල උදන්විට උත්තමාරාම රාජ මහා විහාරයේ නායක හාමුදුරුවන් වහන්සේ අපවත් කිරීමට ඉහත දැක්වූ ගණින්නාන්සේලාගේ ආශීර්වාදය ලත් කැබිනට් ඇමතිවරයෙකුගේ ගොලබාලයින් පිරිසක් පැමින ඇත. නායක හාමුදුරුවෝ ඝාතනය කළ නො‍හැකිවූ තැන උන් විහාරස්ථානයේ බූදු පිළිම කඩා බිද දමා දේපල විශාල ප්‍රමාණයක් විනාශකර පළාගොස් ඇත.

බුදු පිළිම විනාශ කළ උන් ඇමතිවරයාගේ බලය නිසාවෙන් නිවැරදි කරුවෝය උන් නිදැල්ලේය. පන්සලේ හාමුදුරුවෝ මරන්නට ආපු එවුන් අත්අඩංගුවට ගන්නාලෙස හඩනැගූ ගමේ තරුණයන් පොලිසිය විසින් රදවාගෙන ඇත.

මහින්දගේ පස්චාත් භාගය සෝදන්නට සැදී පැහැදී සිටින චම්පික රණවකලා ඇතුළු මෙම දෙව්දත් නිකායේ උන්ගේද මෙම සිදුවීමට සම්බන්ධයක් තිබිය යුතු වන්නේ මුන්ට උදේ රෑ එලි වෙනකම් මහින්ද සරණං ගච්චාමි කියන්න පුළුවන් වුවද මේවා ගැන කථා නොකර එවා ගැන කථාකරන අයද නිහඩකරවන නිසාවෙනි.

පල්ලියේ බලවත් ඉල්ලීම නිසා සරත් ෆොන්සේකාට එරෙහිව සංඝාඥාවක් .

2009-11-10T05:07:00.000-08:00

පල්ලියේ බලවත් ඉල්ලීම නිසා සරත් ෆොන්සේකාට එරෙහිව සංඝාඥාවක් .

අපේ හාමුදුරුවන් වහන්සේලාට රට ජාතිය මතක් වෙන්නේ දෙවියන් වහන්සේ හීනෙන් ඇවිත් මතක් කළායින් පසුව විය යුතුය.මන්ද බුද්ධ සාසනයට සිදුවන විපත දෙවියන් වහන්සේට අදාල නැත.දෙවියන් වහන්සේට අදාල වන්නේ කතෝලික ආගමට විපතක් වෙනවානම් පමණි. අපේ හාමුදුරුවන් අවදි වන්නේ දෙවියන්වහන්සේට ඕන වු විටය. මේ දවස්වල අපේ හාමුදුරුවන්ට බෝහෝ වැඩ රාජකාරි අතර දැන් සංඝාඥාවක් තියන්නත් යන බව දැනගන්නට ලැබින.

මෙතෙක් කල් බුදු දහමට වූ

බුදුධසාසන අමාත්‍යංශය අහොසිකිරීම,

අන්‍යාගම්කරන පණත විසිකර දැමීම.

සෝම හිමි අපවත්කිරීමට පත්කළ කොමිශන් සභා වාර්ථාව යටගැසීම.

රත්මළානේ සීලවංශ හාමුදුරුවන් මූලධර්මවාදීන් විසින් අපවත්කීරීම යට ගැසිම.

දහසගණන් වූ අසරණ බෞද්ධයන් යාඥාවලින් මියයද්දී.

මූලධර්මවාදීන් මුළු ලංකාවේම පල්ලි ඉදිකරද්දී.

මේ ආදී වසයෙන් මෙතෙක් ශ්‍රී ලංකාවේ බුද්ධ සාසනයට සිදුවූ අසාධාරනකම් දෙස බලමින් සුර සැප වින්දා මිසක ඒ වෙනුවෙන් වචනයක් වත් කැප නොකළ වුන් අද සරත් ෆොන්සේකාට එරෙහිව සංඝාඥා පනවන්නට එකතුවෙයි.

මන්ට බුදු දහමට විපතක් වෙනකොට සංඝාඥා පනවන්නට මතක් නොවෙන්නේ ඇයි ?

දේවියන් වහන්සේ තරහ වෙනනිසා ද ?

ජරාව කන්න බැරි නිසාද?