ගණින්නාන්සේලාට සහ ඇබිත්තයන්ට දැනගනු පිණිසයි.

ගණින්නාන්සේලාට සහ ඇබිත්තයන්ට දැනගනු පිණිසයි.

මහින්ද රාජපක්ෂ සරණං ගච්චාමි කියමින් උදේ හවස මහින්දගේ කුණුසොදන්නට “ උතුම් වූ නිර්මල වූ බුදු දහමේ සංඝ සමූහයේ බාහිර රූප විලාසය යොදාගනීමින් එනම් සිවුරු පොරවා හිස මුඩුකර පැවිද්දන් සේ සිටිමින් දේශපාලනයේ නිරතවෙන අතුරලියේ රතන , උඩුවේ ධම්මාලෝක , බෙංගමුවේ නාලක , ඕමාරේ කස්සප ආදී නම් වලින් හැදින්වෙන චීවරධාරීන් නොහොත් ගනින්නාන්සේලා වෙත මතක් කර සිටිනු කැමැත්තෙමි.

භික්ෂූන් වහන්සේගේ වගකීම මා දන්නා පරිදි බූදු දහම ආරක්ෂා කීරීම විය යුතුය. සිවුරේ සිටිමින් බුදු දහම විනාශ කරන්නට උදව් කරනවුන්ට ගණින්නාන්සේ කියා නොව උන් නූතන දෙව්දත්ලා (බුදු දහම විනාශ කරන්නට ඉපදුනු එවුන්) විය යුතුය.

මීට දින කිපයකට පෙර ජාඇල ඒකල උදන්විට උත්තමාරාම රාජ මහා විහාරයේ නායක හාමුදුරුවන් වහන්සේ අපවත් කිරීමට ඉහත දැක්වූ ගණින්නාන්සේලාගේ ආශීර්වාදය ලත් කැබිනට් ඇමතිවරයෙකුගේ ගොලබාලයින් පිරිසක් පැමින ඇත. නායක හාමුදුරුවෝ ඝාතනය කළ නො‍හැකිවූ තැන උන් විහාරස්ථානයේ බූදු පිළිම කඩා බිද දමා දේපල විශාල ප්‍රමාණයක් විනාශකර පළාගොස් ඇත.

බුදු පිළිම විනාශ කළ උන් ඇමතිවරයාගේ බලය නිසාවෙන් නිවැරදි කරුවෝය උන් නිදැල්ලේය. පන්සලේ හාමුදුරුවෝ මරන්නට ආපු එවුන් අත්අඩංගුවට ගන්නාලෙස හඩනැගූ ගමේ තරුණයන් පොලිසිය විසින් රදවාගෙන ඇත.

මහින්දගේ පස්චාත් භාගය සෝදන්නට සැදී පැහැදී සිටින චම්පික රණවකලා ඇතුළු මෙම දෙව්දත් නිකායේ උන්ගේද මෙම සිදුවීමට සම්බන්ධයක් තිබිය යුතු වන්නේ මුන්ට උදේ රෑ එලි වෙනකම් මහින්ද සරණං ගච්චාමි කියන්න පුළුවන් වුවද මේවා ගැන කථා නොකර එවා ගැන කථාකරන අයද නිහඩකරවන නිසාවෙනි.

මා දේශද්‍රෝහියෙකු වූ හැටි.

මා දේශද්‍රෝහියෙකු වූ හැටි.

අද ලංකාව දේශප්‍රේමීන් සහ දේශද්‍රෝහින් ලෙස පැහැදිලිව බෙදා වෙන්කරන ලද මිනිසුන් දෙකොටසක් වෙසෙන රාජ්‍යක් බවට පත්ව ඇති අතර අප අයත් වන කොටස තිරණය වන්නාවූ ප්‍රධාන සාධකය බවට පත්ව ඇත්තේ වචනාර්ථය නොව මහින්ද රාජපක්ෂ ආණ්ඩුව ගැන අප දරණ මතය වීම අදහා ගත නොහැකිය. මා අවසානයට ලියූ http://manojcola.blogspot.com/2009/08/blog-post.html මහින්ද රාජපක්ෂ ආණ්ඩුවේ වර්ථමාන ක්‍රියාවලිය පිළිබද ලිපියට මා වෙත එවූ ප්‍රතිචාර තුලින් මා දේශද්‍රෝහියෙකු බවට චෝදනාකර ඇති අතර මෙසේ මා එවැනි වරදකට ලක්වූයේ ඇයි.

වචනයේ පරිසමාප්ත අර්ථයෙන්ම මා දේශද්‍රෝහියෙකු වූයේ මාහින්ද රාජපක්ෂ ආණ්ඩුව විවේචනය කිරීම නිසාවෙන් නම් එය මා බාරගැනිමට සුදානම්ය.

නමුත් මා දරණ මතය කුමක්දැයි යන්න මාගේ එක ලිපියක්වත් කියවූ අයෙකුට හදුනාගැනිමට එතරම් අපහසුවක් නොමැති වේයැයි මා සිතන අතර මා කවුද , මෙනවද කරන්නේ යන්න දන්නෝ දනිති. නමුත් මේ අයුරින් අප වැන්නන් දේශද්‍රෝහින් ලෙසට දැන් චෝදනා කරන එවුන් ඇත්තටම දේශප්‍රේමින් ද ?

අංගම් පොර සටන් කළාව නැවතත් කරළියට

අංගම් පොර සටන් කළාව නැවතත් කරළියට

සිංහලයා සියවස් දහස් ගණනනක් තිස්සේ තමන් සමාජයෙන් ලද අද්දැකීම් තම බුද්ධියත් සමග මුසු කරමින් ගොඩ නගාගන්නා අංගම්පොර නම් වූ මෙම ආද්‍යාත්මික සටන් කළාව අදිරාජ්‍යසවාදින්ගේ බයිනෙත්තුවේ බලය නිසාවෙන් කාලයේ මතකයෙන් ඈත්වි තිබුනද අප බොහො දෙනා උපකල්පන ගොඩනැගුවේ එය අප අතරට යළි කෙදිනකවත් නොඑන,සිංහලයාට යළි නොලැබෙන සටන් කළාවක් ලෙසයි.නමුත් සිංහලයා යනු අප සිතන තරම්ම අවාසනාවන්ත ජාතියක් නොවේ.වසර දහස් ගනනක් පැරණි අංගම් පොර ක්‍රීඩාවට විවිධ බාධක මැද පාරම්පරිකව රැකගෙන විත් සිංහල ජාතියට ඒ දැවැන්ත සටන් කළාවේ සුවය යළිත් ලබාදීමට කරුණාපාල ගුරුන්නාන්සේ හෙළ අංගම් සටන් කළායතනය තුළින් ඉදිරිපත්ව ඇත.

ඒ සමගම මෙතෙක් කල් කරාටේ ,ජූඩෝ ,කුංෆූ , ටයිකොන්ඩෝ ආදී විදේශිය සටන් කළා හැදෑරූ තරුණයන් පමණක් නොව එවා ඉගැන්වූ මාස්ටර්ලාද විශාල වසයෙන් තමන්ට උරුම දේශීය සටන් කළාව ඉගෙන ගැනීම සදහා විශේෂ උනන්දුවක් දක්වයි. එහි ඇති විශේෂත්වය වන්නේ අංගම් සටන් හරඹය දැනට ලංකාවේ උගන්වන සි‍යළු සටන්කළාවන් අභිබවා බොහෝ දියුනු තත්වයක පවතින්නක් වන නිසාම වෙති.

මේ ගැන තවත් විස්තර

http://manojcola.blogspot.com/2008/11/blog-post_23.html

http://angampora.blogspot.com/

දේශපාලන සුනඛයන් හමුවේ යුද්ධයේ අවසානයේ සිහිනය යථාර්ථයක් ද?

අතීත දේශපාලන තීරකයන්ගේ වැරදීම් නිසාවෙන් අද පරපුරට හිමිවැඇති අධම යුද්ධයේ අවසානය තවත් අනාගත පරපුරකට කැප නොකර සියැසින් දකිනුවස් රිසියෙන් ඒ වෙනුවෙන් තම ජීවිතයෙන් කරන ලද අසීමිත වූ කැප කීරීම් නිසාවෙන් විදින්නට ලැබූ ජීවිතයන් විදවන්නට සිදුවූ සිංහල දෙමල මිනිසුන් ප්‍රමානයෙන් මැනිය නොහැකි තරමටම විශාල වන්නාසේම අද ලංකාවේ ජිවත්වන සිංහල දෙමළ බහුතරයක් මෙම යුද්ධයේ අවසානයක් සියැසින් දකින්නට රූපවාහිනිය දෙස නෙත් නොහෙලා බළා සිටී.නමුත් සැබෑ ලෙසම යුධබිමේ තීරකයන් වන රණ විරුවන් උවත් මිනිසුන් තම සිහිනය සැබෑකරගනු වස් විස්වාසය තබා ඇත්තේ මහින්ද රාජපක්ෂ ප්‍රමුඛ දේශපාලකයන් වෙතමය.

ලංකාවේ දේශපාලකයන් යනු ධනයට බලයට තම වැදූ මව වුවත් පාවාදීමට සූදානමින් සිටින සිවුපාවුන් පිරිසක් වන අතරම යුද්ධයේ අවසානය දකින්නට දේශපාලකයන් මතම විස්වාසය තබා ජීවත් වීම කොතෙක් දුරට ප්‍රයෝගිකද නැද්ද යන්න අපට තවත් සුළු කාලයක් තුල සියැසින් දැකගත හැකිවනු ඇත.

"මහින්ද,විමල්,චම්පික,රනිල්,ටිල්වින් ආදී සියල්ලෝම දේශපාලඥයෝ වෙති.මොවුන්ගේ ජීවන පැවැත්ම රැදී ඇත්තේ මහජන මතය අනුව බැවින් මහජනතාව සමග පහසුවෙන් ගනුදෙනු කළ හැකි යුද්ධය වැනි සරල පහසු ලාභදායී දේ ඇතැහැර දමා තම පැවැත්මට ,බලයට අභියෝගයක් ඇතිකරගනීයැයි සිතිය නොහැක.යුද්ධය නොමැති රටක දේශපාලකයන්ට ව්‍යවස්ථාවෙන් පිටත ක්‍රියාකරකම් වල නියැලීමට ඇති අවස්ථාව අතිශයින් සීමා සහිත වන අතර එවැනි තත්වයකට පත්වීමකින් තොරව තම පන්තියේ පැවැත්ම ආරක්ෂාකරගනු වස් ඔව්න් විසින් යම් තරමකට යුද්ධය පවත්වාගෙන යාමට නිතැනින්ම අවස්ථාව සලසා ගනු ඇත.අපගේ සිහින කුමරා මහින්ද රාජපක්ෂද අයත්වන්නේ මෙම පන්තියටම බැවින් ඔහුදට තම පන්තිය රැකගනු වස් යම් තරමකින් හෝ යුද්ධය පවත්වාගෙන යන්නට සිදුවනු ඇත. තම පන්තියේ තබා තමාගේ පැවැත්ම ස්ථාවරකර ගැනීමටද මහින්දට තවත් බොහෝකලක් යුද්ධය නිමා නොකර පවත්වාගෙන යා යුතුය.
මහින්දට නිදහසේ ජනාධිපති පදවියේ සැබෑ සුවය විදින්නටනම් ඌව-දකුණ පළාත් සභාඡන්දය,මහ මැතිවරණය,පළාත් පාලන මැතිවරණය,ජනාධිපතිවරණය යන ඡන්ද ජයග්‍රහණය කිරීමට සිදුවේ.ජනතාවගෙන් හිකා නොකා ඡන්ද දිනන්නටනම් යුද්ධය තිබීම අත්‍යාවශ්‍ය බව මෙවර පළාත්සභා මැතිවරනයේ ප්‍රතිඵල තුලින් පෙන්වා දී ඇති අතර මෙනිසා මහින්ද මෙතෙක් කල් කරගෙන ආ යුද්ධය තම ධූරයේ අවසන් ඡන්දය දක්වා පවත්වාගෙන යාමට ඇති අවස්ථාව ඔහු කෙසේ හෝ ලබාගන්නා බවනම් සහතිකය"

එසේම ඒ සදහා ජනාතාව වයින් කරමින් මහින්ද අවරණය කරමින් තම පන්තියේ පැවැත්ම තහවුරුකරගැනීම උදෙසා අනෙකුත් දේශපාලඥයින් පක්ෂ පාට භේද නොසලකා අනිවාර්යයෙන්ම එකතුවන අතර ජනතාව වූ අප ඔව්නට එහෙයි කියමින් ඔව්න්ගේ පැවැත්ම සහතික කරන්නට බදුගෙවමින් සිහිනය සැබෑවනතුරු රූපවාහිනිය දෙස බලා උපන්‍යාස ගොඩනගමු.

බුදු දහම පටැලැවීම

බුදු දහම පටැලැවීම

සිංහල බ්ලොග් අවකාශය ඇතැම් පුද්ගලයින් බුද දහම අපකීර්තියට පත්කිරීමේ පාරාදීසයක් බවට පත්කරගෙන ඇත. මුන්ට දේශගුණික විපර්යාස පවා පේන්නේ බෞද්ධයා නිසා සිදුවූවක් ලෙසය.එකෙකුට අනුව ලංකාවේ සිදුවන්නාවූ සියළුම පාහර වැඩ සිදුකරනුයේ සිල් ගන්නා බෞද්ධයන් විසින්ය.හොරකම්, මංකොල්ල කෑම්,ස්ත්‍රී දූශන,වංචා ආදී මෙකී නොකී ලංකාවේ සිදුවන්නාවූ සියළු අපරාධ සිදුවන්නේ සිල් ගන්නා උවැසි උවැසියන් අතිනි. පාර්ලීමේන්තුගොස් බලු වැඩ කරන්නෝද, මිනිසුන් සමුහ ඝාතනයට ලක්කරමින් උතුරේ හමුදාව සමග යුද්ධ කරන්නෝද සියල්ලෝම බෞද්ධයෝ වෙති.කොටින්ම කියතොත් අද ලංකාවට මේ තත්වය උදාවී ඇත්තේ සිල් ගන්නා බෞද්ධයන් ගේ නොමනා හැසිරීම නිසාවෙනි.

ඔහුගේම වචන වලින්ම කියතොත් “ මේ පිටතින් සුදු අඳිනා හොරුන්ගේ රටයි. හක්කේ බුදුරැස් ද බොක්කේ දඩමස් ද ඇති උපාසක දිවයිනයි.”

ලංකාවේ ජීවත්වන මුස්ලිම්, ක්‍රිස්තියානි, කතොලික, මේ දෙකටම අයත් නොවනවා කියන මුඩුක්කු ක්‍රිස්තියානි ආදී ආගම් අදහන්නන් ආදී වෙනත් සියළුම ආගම් අදහන සියල්ලෝම කුරා කුහුඹියෙකුටවත් හිංසාවක් නොකරන අන්ත අවිහිංසා වාදියෝ වෙති. එසේම ඔව්න් සියල්ලෝම ලංකාවට තම පණටත් වඩා ආදරය කරන්නාවූ අතර සත පහක තරම්වත් සොරකමක් වංචාවක් නොකරන්නාවූ තම තමන්ගේ ධර්මයන් අකුරටම තිතටම පිළිපදින්නාවූ අති පාරිශුද්ධ මිනිසුන් කොට්ඨාසයකි.

සිතා මතාම බුදු දහමට පහර ගසන මෙවැනි එවුන්ගේ කටවල් වැසීමට හෝ එළව එළවා පහර දීමට අපහට අවශ්‍ය නොවේ . සත්‍ය කුමක්දැයි මිනිසුන් කෙදිනක හෝ තේරුම් ගනු ඇත.

නමුත් ඔව්න් මෙය හෝ පිළිගන්නවානම් ඉතා යහපති. මෙසේ එළව එළවා බුදු දහමට පහර දීමට ඔබලා වැනි අයහට අවස්ථාව ලැබී ඇත්තේද බෞද්ධ සමාජ පසුබිම නිසාවෙනි. අරාබියේ මුස්ලිම් ආගම හෝ නොර්වේහි ක්‍රිස්තියානිය මෙන් ලංකාවේ බෞද්ධයා ද ක්‍රියාකරන්නේනම් ඔබලා වැන්නන් හට සිදුවිය යුතුදේ සිදුවී දැනට බොහෝකල්ය.

විජයාගමනයට පෙර හෙළ ශිෂ්ඨාචාරය.

විජයාගමනයට පෙර හෙළ ශිෂ්ඨාචාරය.

විජයාගමනය සිංහලයාගේ ආරම්භය බව පෙන්වීම සදහා බොහෝ දෙනා විවිධ උත්සාහ ගත් අතර විජයා‍ගමනයට පෙර ලංකාවේ ජනාවාස තිබූ බව පිළිගන්නට ඔව්න් අකැමැති පිරිසක් විය. නමුත් එම සියළු මතවාදයන් සත්‍යයෙන් තොර වූවක් බව සනාත වන්නාවූ ප්‍රභල සාධක කිහිපයක් පසුගිය කාළයේ සිදුකෙරුණු පුරාවිද්‍යා කැණීම් තුළින් සොයාගන්නට හැකි වී ඇත.

මෙය අනුරාධපුරයේ ඇතුළුනුවර කරන ලද කැණීම් වලීන් මතුකරගන්නා ලද ප්‍රාග් අනුරාධපුර යුගයට අයත් නටබුන් වන අතර මෙය දැනට පවතින අනුරාධපුර නගරයට අඩි තිහක් පමණ ගැඹුරින් පිහිටා ඇති අතර ක්‍රි:පූර්‍ව 800 ත් 1000 ත් අතර යුගයට අයත් බව සැලකෙන අතර මෙය විශාල වෙළෙද මධ්‍යස්ථානයක නටබුන් බව පුරා විද්‍යාඥයින් සදහන් කරයි.